დღეს პარლამენტში პრემიერ-მინისტრს ელოდებიან
დღეს პარლამენტში პრემიერ-მინისტრ ირაკლი ღარიბაშვილს ელოდებიან. პარლამენტის პლენარული სხდომა 12:00 საათზე არის ჩანიშნული.
ღარიბაშვილი დეპუტატებს სამთავრობო პროგრამის შესრულების ანგარიშს გააცნობს, რის შემდეგაც დასმულ კითხვებს უპასუხებს, რის შემდეგ გაკეთდება პოლიტიკური განცხადებები და გაიმართება პოლიტიკური დებატები.
პარლამენტის რეგლამენტის შესაბამისად, პრემიერ მინისტრმა სამთავრობო პროგრამის შესრულების შესახებ ყოველწლიური მოხსენება წერილობითი ფორმით პარლამენტს 1-ელ ივნისს წარუდგინა.
