უკრაინის პრეზიდენტი ვოლოდიმირ ზელენსკი ამბობს, რომ უკრაინის კანდიდატის სტატუსთან დაკავშირებით დადებითი გადაწყვეტილების მისაღებად, ბოლო ერთი დღის განმავლობაში ტელეფონით 11 ქვეყნის ლიდერს ესაუბრა. ამის შესახებ ზელენსკიმ ყოველდღიურ ვიდეომიმართვაში განაცხადა.

მისი თქმით, ესაუბრა ლატვიის, საბერძნეთის, შვედეთის, ესტონეთის, ჩეხეთის, ბელგიის, ავსტრიის, სლოვენიის, მოლდოვის და ასევე ლიეტუვის პრეზიდენტებს.

„გავაგრძელებ ასეთ მარათონს – ჩვენ უნდა უზრუნველვყოთ ჩვენი სახელმწიფოსთვის მაქსიმალური მხარდაჭერა. საკვანძო ევროპულ გადაწყვეტილებას საღამოსთვის ველოდებით“, – განაცხადა ზელენსკიმ.

თავის მიმართვაში ზელენსკიმ ასევე ილაპარაკა მიკოლაივისა და ხარკოვის ოლქების წინააღმდეგ რუსეთის მიერ განხორციელებულ დარტყმებზე და კვლავ განაცხადა, რომ უკრაინას სჭირდება დასავლეთის შეიარაღება რათა „გააჩეროს ეს წყეული არმადა და განდვნოს უკრაინის საზღვრებს მიღმა“.