ბრიტანული გამოცემა The Economist-ის  ყოველწლიური რეიტინგის Economist Intelligence Unit (EIU)-ის თანახმად, ავსტრიის დედაქალაქი მსოფლიოში ცხოვრებისთვის ყველაზე კომფორტულ ქალაქად მესამედ დასახელდა. ვენა რეიტინგის ლიდერი 2018 და 2019 წლებშიც გახდა. ვენას მიმზიდველობას აძლევს სტაბილური პირობები, კარგი ინფრასტრუქტურა და ჯანდაცვის სისტემა, ასევე უამრავი შესაძლებლობა კულტურისა და დასვენების სფეროში.

EIU-ს რეიტინგის თანახმად, ყველაზე კომფორტულ ქალაქებს შორის მეორე ადგილი დაიკავა დანიის დედაქალაქმა კოპენჰაგენმა, მესამე კი -  შვეიცარიის ქალაქმა ციურიხმა.

EIU -ის კვლევის შედეგად 2021 წლის დეკემბერში მსოფლიოში ყველაზე ძვირადღირებულ ქალაქად ისრაელის დედაქალაქი თელ-ავივი აღიარეს. ამავე რეიტინგში მეორე ადგილი გაიყვეს პარიზმა და სინგაპურმა, მესამე ადგილი არ ყოფილა, მეოთხე კი წილად ხვდა ციურიხს.