კანზასში მომხდარი სროლის შედეგად 3 ადამიანი დაიღუპა, 20-მდე კი დაიჭრა
სულ მცირე სამი ადამიანი დაიღუპა და 20 დაიჭრა ამერიკის კანზასის შტატში კომპანია Excel Industries-ის ფაბრიკაში მომხდარი სროლის შედეგად.
პოლიციის მონაცემებით, ცეცხლი დაწესებულების თანამშრომელმა გახსნა. პოლიციასთან ორმხრივი სროლის შედეგად ეჭვმიტანილი მოკლულია.
თვითმხილველთა ნაამბობიდან ირკვევა, რომ შეიარაღებულმა მამაკაცმა ფაბრიკასთან მდებარე ავტოსადგომზე ქალი მოკლა, შემდეგ შენობაში შევიდა და სროლა განაგრძო.
დანაშაულის მოტივები დგინდება. მომხდარის სხვა დეტალები ჯერჯერობით უცნობია.
