მილიონობით ამერიკელი ქალი აბორტის უფლებას კარგავს, მას შემდეგ რაც უზენაესმა სასამართლომ გააუქმა 50-წლის წინანდელი დადგენილება, რომლის თანახმად მთელ ქვეყანაში აბორტი ლეგალიზებული იყო.

საუბარია საქმეზე „როუ ვეიდის წინააღმდე“, - აშშ-ის უმაღლესი სასამართლოს 1973 წლის ისტორიულ გადაწყვეტილებაზე აბორტების კანონიერების შესახებ.

ამიერიდან, ფედერალური კანონები აღარ გასცემენ აბორტთან დაკავშირებულ გარანტიებს და ცალკეულ შტატებს შეეძლებათ დამოუკიდებლად აკრძალონ ეს პროცედურა.

მოსალოდნელია, რომ შეზღუდვები ან აკრძალვები დაწესებული იქნება ამერიკის შტატების დიდ ნაწილში და რეპროდუქციული ასაკის 36 მილიონამდე ქალს შეეხება. 13-მა შტატმა უკვე მიიღო კანონი, რომელიც უმაღლესი სასამართლოს გადაწყვეტილების შემდეგ ავტომატურად კრძალავს ორსულობის ხელოვნური გზით შეწყვეტას.

მისურის შტატის გენერალურმა პროკურორმა ერიკ შმიტმა უკვე მოაწერა ხელი კანონს აბორტების აკრძალვის შესახებ.

მაისში ოკლაჰომის კანონმდებლებმა მიიღეს კანონი, რომელიც კრძალავს აბორტს, რაც კრიტიკოსების აზრით, ის აშშ-ში ყველაზე მკაცრი აქტია.  

კანონპროექტი კრძალავს ყველა აბორტს, გარდა იმ შემთხვევისა, როდესაც აბორტი აუცილებელია ქალის სიცოცხლის გადასარჩენად ან თუ ორსულობა გაუპატიურების ან ინცესტის შედეგად დადგა.

ამერიკის შტატები, სადაც ხელისუფლებაში რესპუბლიკელები არიან, აქტიურად იღებენ კანონპროექტებს, რომლებიც ზღუდავს აბორტებამდე წვდომას. დემოკრატები ტრადიციულად გამოდიან მსგავსი შეზღუდვების წინააღმდეგ.