თბილისში, რუსთაველის გამზირზე აქცია "შინ ევროპისკენ"დაიწყო. საავტომობილო გზა გადაკეტილია.

დღეს მიმდინარე აქციაზე, სახალხო მოძრაობა ხელისუფლებისადმი მოთხოვნების წამოყენებას გეგმავს.

აქციის ორგანიზატორი მოძრაობა "სირცხვილიაა", რომლის წევრებმაც 20 ივნისს გამართულ აქციაზე უკვე თქვეს, რომ იმ შემთხვევაში თუ ევროკავშირის წევრობის კანდიდატის სტატუსის ნაცვლად საქართველო მხოლოდ შესასრულებელ პირობებს მიიღებდა, ახალი სახალხო მოძრაობა ხელისუფლების წინააღმდეგ კონკრეტული მოთხოვნებით სახალხო პროტესტს დაიწყებდა.

შეგახსენებთ, 23 ივნისს ევროპულმა საბჭომ უკრაინასა და მოლდოვას ევროკავშირის წევრობის კანდიდატის სტატუსი მიანიჭა, საქართველოს კი - ევროპული პერსპექტივა და განაცხადა, რომ მზადაა კანდიდატის სტატუსი მისცეს, როგორც კი დასახული პრიორიტეტები შესრულდება.