დაიშალოს მთავრობა, გადადგეს მთავრობის თავმჯდომარე, ბიძინა ივანიშვილი დაისაჯოს, დაწესდეს სანქციები ქვეყნის წინაშე – ეს არის დღეს ოპოზიციის გარკვეული ნაწილის დღის წესრიგში მთავარი თემა. ეს დღის წესრიგი, უპირველეს ყოვლისა, უნდა იყოს დავიწყებული, - ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.

მისი თქმით, ევროპული პერსპექტივის დაკინენება არის ერთ-ერთი შეცდომა განსაკუთრებულად „ნაცმოძრაობისთვის“ ეს არის გამიზნული მავნებლური სტრატეგია.

პირველ რიგში უნდა ითქვას, რომ დაკნინება ევროპული პერსპექტივის დადასტურებისა, ამ კომპეტენტური სტრუქტურებისა და კომპეტენტური ადამიანების მიერ მოლოცვის შემდეგ, არის ერთ-ერთი შეცდომა ზოგისთვის და ზოგისთვის, განსაკუთრებულად „ნაცმოძრაობისთვის“ ეს არის გამიზნული მავნებლური სტრატეგია; ამის დაკნინება არ შეიძლება, ჯერ ერთი და მეორე – მოლოცვის უკან უნდა წავიკითხოთ ის პერსპექტივა, რაც საქართველოს აქვს", - თქვა ვოლსიმ.

მისი თქმით, პარტიებმა კეთილი უნდა ინებონ და კონსტრუქციული მიმართულებით განვითარებაზე ისაუბრონ, იფიქრონ და არა იმ ქაოტური სიტუაციის შექმნის მცდელობა ჰქონდეთ, რომელიც ამ ბოლო დღეების განმავლობაში საზოგადოებამ იხილა.

მისივე თქმით, დეპოლარიზაცია არ ნიშნავს იმას, რომ მაინც და მაინც მეგობრული ურთიერთობები და პიროვნული ურთიერთობები განვითარდეს ან დაბადების დღეებზე იაროს ხალხმა ერთმანეთთან.

„ეს არის მუშაობა კონკრეტულ საკითხებზე, რომელიც არის საჭირო ნებისმიერ საკითხთან დაკავშირებით. საბოტაჟის რეჟიმი ვიხილეთ, მაგრამ სტრატეგიულ გეგმებთან, ქვეყნის გადარჩენასთან, ამ ურთულეს სიტუაციაში სამშვიდობოზე საქართველოს გაყვანის თემებთან დაკავშირებით არავითარი სურვილი, არავითარი მისწრაფება არ არსებობს; დაიშალოს მთავრობა, გადადგეს მთავრობის თავმჯდომარე, ბიძინა ივანიშვილი დაისაჯოს, დაწესდეს სანქციები ქვეყნის წინაშე – ეს არის დღეს ოპოზიციის გარკვეული ნაწილის დღის წესრიგში მთავარი თემა. ეს დღის წესრიგი, უპირველეს ყოვლისა, უნდა იყოს დავიწყებული, ჩვენი მხრიდანაც, რასაკვირველია, ნაბიჯები უნდა გადაიდგას იმისათვის, რათა ეს რეკომენდაცია შესრულდეს“, – განაცხადა გია ვოლსკიმ.