დიდი ბრიტანეთი, შეერთებული შტატები, კანადა და იაპონია რუსეთის წინააღმდეგ ახალი სანქციების ფარგლებში რუსეთიდან ოქროს იმპორტს აკრძალავენ.

უკრაინული მედიის ცნობით, ამის შესახებ ბრიტანეთის მთავრობის განცხადებაშია ნათქვამი.

განცხადებაში აღნიშნულია, რომ რუსეთის წინააღმდეგ ახალი შეზღუდვების ეს ნაწილი დიდი შვიდეულის სამიტზე გამოცხდდება.

„ეს ზომები პირდაპირ დარტყმას მიაყენებს რუს ოლიგარქებსა და პუტინის ომის მანქანის გულს, - განაცხდა ბრიტანეთის პრემიერ-მინისტრმა ბორის ჯონსონმა.

აღნიშნულია, რომ ოქრო რუსეთის ექპორტისთვის მნიშვნელოვან წილს შეადგენს. 2021 წელს რუსეთმა ოქროს ექსპორტის შედეგად 15,5 მლრდ დოლარი მიიღო.

„რუსეთის ელიტისთვის ოქროს მნიშვნელობა ბოლო დროს მნიშვნელოვნად გაიზარდა - ოლიგარქები ჩქარობენ იყიდონ ზოდები, რათა შეარბილონ დასავლეთის სანქციების ფინანსური შედეგები.

ოქროს საერთაშორისო ვაჭრობაში ლონდონის ცენტრალური როლისა და აშშ-ს, იაპონიისა და კანადის სინქრონული ნაბიჯების გათვალისწინებით, აღნიშნულ ზომებს გლობალური ეფექტი ექნება“, - აღნიშნულია ბრიტანეთის მთარობის კომუნიკეში.

ბრიტანეთის შეზღუდვები რუსულ იმპორტზე ახლა უკვე 16,5 მლრდ დოლალარის საერთო ღრებულებას მოიცავს, ბრიტანეთის პერსონალური სანქციების ქვეშ 1000-ზე მეტი პირი და ასობით კომპანია მოექცა.

სამიტის დაწყებამდე ჯონსონმა დიდი შვიდეულის ქვეყნებს მოუწოდა არ შეასუსტონ უკრაინის მხარდაჭერა  და აღნიშნა, რომ ქვეყანა ახლა მხოლოდ თავის თავისუფლებას არ იცავს.