უკრაინის საგარეო საქმეთა მინისტრმა დმიტრო კულებამ კომენტარი გააკეთა კიევის დაბომბვაზე, რომლის შედეგადა რუსული რაკეტები საცხოვრებელ სახლს მოხვდა.

უკრაინის ხელისუფლების ინფორმაციით, დაბომბვის შედეგად დაიღუპა სულ მცირე ერთი და დაიჭრა 5 ადამიანი, მათ შორის შვიდი წლის გოგონა.

 „ამ შვიდი წლის უკრაინელ ბავშვს მშვიდად ეძინა კიევში, ვიდრე რუსულმა ფრთოსანმა რაკეტამ მისი სახლი არ ააფეთქა. G7-ის სამიტმა უნდა უპასუხოს კიდევ უფრო მეტი სანქციებით რუსეთს და უკრაინისთვის მძიმე შეიარაღების მიწოდებით. რუსეთის ავადმყოფური იმპერიალიზმი უნდა დამარცხდეს“, - წერს კულება "ტვიტერში".

„დიდი შვიდეულის“ ქვეყნების ლიდერები გერმანიაში, ბავარიის რეგიონში იკრიბებიან. მათ უნდა იმსჯელონ გლობალურ ეკონომიკასა და უკრაინაში რუსეთის ომზე. სამიტს ვირტუალურად დაესწრება უკრაინის პრეზიდენტი ვოლოდიმირ ზლენსკი. ასევე წევრი ქვეყნების გარდა სამიტში მონაწილეობას მიიღებენ ინდოეთის, სამხრეთ აფრიკის რესპუბლიკის, არგენტინის, სენეგალის და ინდონეზიის ლიდერებიც.