სააგენტო Bloomberg-ის ინფორმაციით, G7-ის ქვეყნების ლიდერები შეთანხმდნენ დაეხმარონ უკრაინას განუსაზღვრელი ვადით რუსეთის აგრესიის წინააღმდეგ ბრძოლაში.

„ჩვენ გავაგრძელებთ ფინანსურ, ჰუმანიტარულ, სამხედრო და დიპლომატიურ მხარდაჭერას და მხარს დავუჭერთ უკრაინას იმდენ ხანს, რამდენ ხანსაც დასჭირდება“,- ნათქვამია ერთობლივ განცხადებაში.

როგორც Bloomberg-ი აღნიშნავს, ფორმულირება მნიშვნელოვანია, რადგან ალიანსის წევრები ომის გაჭიანურების გამო ძალიან შეშფოთებულები არიან.

ამასთან, გერმანიასა და საფრანგეთის ლიდერებმა მიანიშნეს, რომ ისინი კვლავ განიხილავენ ცეცხლის შეწყვეტის შესაძლებლობებს მოლაპარაკებების გზით.

დოკუმენტის თანახმად, G7-ის ლიდერები განიხილავენ რუსეთიდან იმპორტზე ტარიფებიდან მიღებული შემოსავლების გამოყენებას უკრაინის მხარდასაჭერად. „დიდი შვიდეულის“ ლიდერებმა ასევე იმსჯელეს როგორ შეინარჩუნონ ზეწოლა რუსეთზე და კოორდინაცია გაუწიონ ძალისხმევას მზარდი ინფლაციის წინააღმდეგ ბრძოლისთვის.