კრემენჩუკის სავაჭრო ცენტრზე რუსეთის სარაკეტო თავდასხმის შედეგად დაღუპულთა რაოდენობა 18-მდე გაიზარდა, დაკარგულია კიდევ 36 ადამიანი
რუსეთის მიერ კრემენჩუკის სავაჭრო ცენტრზე განხორციელებული სარაკეტო დარტყმის შედეგად დაღუპულთა რაიდენობა 18-მდე გაიზარდა, დაშავებულია 40-ზე მეტი ადამიანი, 36 კი - დაკარგულად არის მიჩნეული.
ამის შესახებ ინფორმაციას პოლტავის სამხარეო ადმინისტრაციის ხელმძღვანელი დმიტრო ლუნინი ავრცელებს.
მისივე ინფორმაციით, გრძელდება სამაშველო ოპერაცია.
27 ივნისს რუსეთის ძალებმა კრემენჩუკის სავაჭრო ცენტრ „ამსტორს“ ორი რაკეტა ესროლეს.
უკრაინის პრეზიდენტ ვოლოდიმირ ზელენსკის განცხადებით, ცენტრში სარაკეტო დარტყმის დროს 1000-მდე ადამიანი იმყოფებდა. ბევრმა მათგანმა თავდასხმამდე ცენტრის დატოვება მოასწრო.
