რუსეთის პრეზიდენტის პრესსპიკერი დმიტრი პესკოვი ამბობს, რომ უკრაინაში ყველაფერი 24 საათში დასრულდება, თუ უკრაინელი სამხედროები იარაღს დაყრიან და კიევი რუსეთის მოთხოვნებს შეასრულებს. ამის შესახებ პესკოვმა ჟურნალისტებთან საუბრისას განაცხადა.

„უკრაინულ მხარეს შეუძლია ყველაფერი 24 საათში დაასრულოს, საჭიროა უბრძანოს ნაციონალისტურ ქვედანაყოფებს და უკრაინელ სამხედრებს - დაყარონ იარაღი, საჭიროა შესრულდეს რუსეთს მოთხოვნები და ყველაფერი შეიძლება 24 საათში დასრულდეს“, - განაცხადა პესკოვმა ჟურნალისტის შეკითხვის პასუხად, რომელიც ეხებოდა ვოლოდიმირ ზელენსკის განცხადებას, რომ მას ომის დასრულება ზამთრამდე სურს.

მან კიდევ ერთხელ გაიმეორა, რომ უკრაინაში ე.წ. სამხედრო ოპერაცია გეგმის მიხედვით მიმდინარეობს.

„ჩვენ ორიენტირებულები ვართ ჩვენი პრეზიდენტის {ვლადიმირ პუტინის} განცხადებაზე, რომ სპეციალური სამხედრო ოპერაცია გეგმის მიხედვით მიმდინარეობს და თავის მიზნებს აღწევს“, - თქვა პესკოვმა.

ამასთან, აღნიშნა, რომ რუსულ მხარეს უკრაინაში ომია დასრულების თარიღი განსაზღვრული არ აქვს.