ჩვენ ყველამ ვიცით, რომ საქართველოს მთავრობას შეუძლია კანონების სწრაფად მიღება, როდესაც ამის სურვილი აქვს, - ამის შესახებ საქართველოში ამერიკის ელჩმა, კელი დეგნანმა განაცხადა.

როგორც დეგნანი აღნიშნაცს, ქართველ ხალხს რეფორმების გატარების სურვილი აქვს, რათა მალე მიიღოს ევროკავშირის სტატუსი დააშშ მზად დაეხმაროს ნებისმიერი კუთხით ამ პროცესში.

"ჩვენ ყველამ ვიცით, რომ საქართველოს მთავრობას შეუძლია კანონების სწრაფად მიღება, როდესაც ამის სურვილი აქვს. ჩვენ ეს ვნახეთ დეკემბერში, როდესაც პარლამენტმა დაჩქარებული წესით გააუქმა სახელმწიფო ინსპექტორის სამსახური. ეს ნიშნავს, რომ ევროპული საბჭოს რეკომენდაციების განხორციელებაც ანალოგიურად სწრაფად არის შესაძლებელი. ქართველ ხალხს აქვს ამ ცვლილებების სურვილი და საზოგადოებაში ამის მზაობა არის. ამერიკის შეერთებული შტატები მზად არის, რომ დაეხმაროს საქართველოს ნებისმიერი კუთხით ამ რეფორმების განხორციელებაში. ყველამ უნდა გაცნობიეროს, რომ მომდევნო ექვსი თვე არის მნიშვნელოვანი შესაძლებლობა და დასაკარგი დრო არ არის. მე ასევე ვიცი, რომ სამოქალაქო საზოგადოებაში და მთავრობაშიც ბევრს სურს ამ ცვლილებების განხორციელება," - თქვა ამერიკის ელჩმა.