ნატოს დეკლარაციაში პირველად 2008 წლის აგვისტოს ომის შემდეგ საქართველოს ტერიტორიული მთლიანობის საკითხი აღარ არის მოხსენიებული ტექსტში, არც რუსული საოკუპაციო ძალების გაყვანის საკითხი, აღარაფერს ვამბობ საქართველოსთვის ღია კარის პოლიტიკის გამეორებაზე, - ამის შესახებ საქართველოს პარლამენტის წევრი თეონა აქუბარდია სოციალურ ქსელში წერს.

"პრემიერის პარლამენტში ჩემს კითხვაზე განცხადება ნატოში წევრობის შესახებ ტერიტორიული მთლიანობის უზრუნველყოფის შემდეგ, რაც კიდევ ერთი მკაფიო სიგნალი უნდა ყოფილიყო მთავრობის პოლიტიკის კონსტიტუციის საწინააღმდეგოდ სვლის, აისახა ნატოს დეკლარაციაში.

ნატოს დეკლარაციაში პირველად 2008 წლის აგვისტოს ომის შემდეგ საქართველოს ტერიტორიული მთლიანობის საკითხი აღარ არის მოხსენიებული ტექსტში, არც რუსული საოკუპაციო ძალების გაყვანის საკითხი, აღარაფერს ვამბობ საქართველოსთვის ღია კარის პოლიტიკის გამეორებაზე... პოლიტიკური და პრაქტიკული მხარდაჭერა კარგია, მაგრამ საქართველოს კონსტიტუციით სურს ნატოს წევრობა და არის ასპირანტი სტატუსის მატარებელი მოლდოვასთან განსხვავებით.
შესაბამისად, მიმაჩნია, რომ კომუნიკეს ეს ტექსტი არის სრულიად ამ ხელისუფლების და პრემიერის პასუხისმგებლობა.

ის ფაქტი, რომ ნატოს სტრატეგიულ კონცეფციაში ბუქარესტის სამიტის გადაწყვეტილება გამეორებულია უკრაინის და საქართველოს მისამართით არის ნატოს ხედვა. ამიტომ საქართველომ ყველაფერი უნდა გააკეთოს იმისთვის, რომ საქართველო დარჩეს ნატოში გაწევრიანების გზაზე.
ესეც დეკლარაციის ჩანაწერი, სადაც წერია, რომ ევროპაში უსაფრთხოების გარემოს გათვალისწინებით, ნატომ გადაწყვიტა ახალი პოლიტიკური და პრაქტიკული მხარდაჭერა გაუწიოს პარტნიორებს ბოსნია ჰერცოგივინას, საქართველოს და მოლდოვას", - წერს თეონა აქუბარდია.

შეგახსენებთ, ნატო-ს მადრიდის სამიტის ბოლოს მოკავშირე ქვეყნის ლიდერებმა მიიღეს დეკლარაცია, რომელშიც საქართველოზეც არის საუბარი.

დეკლარაციის მიხედვით, ალიანსმა მიიღო გადაწყვეტილება პატნიორების, მათ შორის ბოსნია-ჰერცეგოვინის, საქართველოს და მოლდოვის სპეციალიზებული პოლიტიკური და პრაქტიკული მხარდაჭერის გასაძლიერებლად.