რუსეთის საგარეო საქმეთა მინისტრმა სერგეი ლავროვმა განაცხადა, რომ ეთანხმება თავის ბელარუს კოლეგას ვლადიმირ მაკეის აზრს, რომ რუსეთსა და დასავლეთს შორის რკინის ფარდა უკვე ეშვება. იუწყება „ინტერფაქსი“

„რაც შეეხება „რკინის ფარდას“, ვეთანხმები ვლადიმირ მაკეის, ის ფაქტობრივად უკვე დაეშვა. ფრთხილად იყოს {დასავლეთი}, რამე არ მოიწეწკოს. მაგრამ ეს პროცესი დაწყებულია“, - თქვა ლავროვმა მინსკში გამართულ პრესკონფერენციაზე. ამასთან, აღნიშნა, რომ 2014 წლის შემდეგ რუსეთსა და ევროკავშირს შორის ურთიერთობა არსებითად არ არსებობს.

„{ევროკავშირმა} დაანგრია ყველა მექანიზმი, რომელიც ათწლეულების განმავლობაში ჩვენსა და ევროკავშირს შორის იქმნებოდა. ვგულისხმობ სამიტებს, რომელიც წელიწადში ორჯერ იმართებოდა და რუსეთის ხელისუფლებისა და ევროკომისიის სხდომები, ერთობლივი სივრცე, რომელიც გამოიყენებოდა „საგზაო რუკების“ შესაქმნელად, სხვადასხვა დარგობრივი დიალოგი... ეს ყველაფერი ერთიანად დაინგრა“, - აღნიშნა ლავროვმა.

„მაგრამ ჩვენ არასდროს ჩავიკეტებით, ვიტყვი მხოლოდ ერთს, რომ ამიერიდან არც ამერიკელებს, არც ევროკავშირს ჩვენ აღასდროს ვენდობით, ყველაფერს გავაკეთებთ, რომ არ ვიყოთ მათზე დამოკიდებული კრიტიკულად მნიშვნელოვან დარგებში“, - განაცხადა ლავროვმა.

.