წერეთლის მხრიდან უბინძურეს პროვოკაციას ჰქონდა ადგილი, მიიღო ის პასუხი, რომელსაც ის იმსახურებდა, - ამის შესახებ განაცხადა "ქართული ოცნების" წევრმა, დეპუტატმა ანრი ოხანაშვილი, რომელიც ტვ პირველის მფლობელს ვატო წერეთელს თავს დაესხა.

"უბინძურეს პროვოკაციას ჰქონდა ადგილი, უბინძურესს, წერეთლის მხრიდან. მიღებაზე ყოფნის დროს მოვიდა, მთხოვა, ორი სიტყვით რაღაცის თქმა სურდა, უბინძურესი პროვოკაცია მოაწყო... ხომ წარმოგიდგენიათ, რაზეა საუბარი?! სწრაფი ნაბიჯით გაიქცა. მინდოდა მეკითხა, რატომ იკადრა ასეთი რაღაცა, რაზეც გააგრძელა პროვოკაცია, შემდგომ, რა თქმა უნდა, პასუხი გავეცი და მიიღო ის პასუხი, რომელსაც ის იმსახურებდა. საუბარია უბინძურეს პროვოკაციაზე, რომელსაც ვერც ერთი ქართველი ვერ აიტანს და ამას მოჰყვა მცირე შეხლა-შემოხლა, ეს იყო და ეს. კამერები, წესით, უნდა იყოს ყველგან და იმედი მაქვს, რომ აბსოლუტურად ყველაფერი ასახულია კამერაზე", - თქვა დეპუტატმა რუსთავი 2-ის ეთერში.

ვატო წერეთელს ამერიკის საელჩოში გამართულ მიღებაზე თავს დაესხნენ დეპუტატები: ანრი ოხანაშვილი, ლევან მგალობლიშვილი და ირაკლი ზარქუა.