არ მესმის იმ პოლიტიკური პარტიების, რომლებიც უარს ამბობენ მონაწილეობაზე მაშინ, როდესაც წინასწარ არავინ არ ვიცით, სანამდე მიგვიყვანს ეს თანამშრომლობა, - ამის შესახებ პარტია „მოქალაქეების“ ერთ-ერთმა ლიდერმა, ლევან იოსელიანმა განაცხადა საქართველოს პირველი არხის გადაცემაში „აქტუალური შაბათი – მაკა ცინცაძესთან ერთად“ ევროკავშირის მიერ დადგენილი 12 პუნქტის შესრულებასთან დაკავშირებით „ქართულ ოცნების“ წარდგენილ გეგმაზე საუბრისას განაცხადა.

მისი თქმით, საუბარს ალტერნატივა არ აქვს, წინააღმდეგ შემთხვევაში კი საქართველოს სახელმწიფო ინტერესი დაზიანდება.

„ამ ურთიერთდავის და ურთიერთზიზღის გამო არის დღეს საქართველო, სადაც არის და როგორც არის გაჭედილი, საბოლოო ჯამში. ორმა მთავარმა პარტიამ უნდა გაიაზროს ის, რომ მათი ასეთი ქმედებების გამო სახელმწიფო ზარალდება. ვნახოთ, რას გააკეთებენ. ზოგადად, არ მაქვს დიდი წარმოდგენა, რომ ისინი ამის გაკეთებას შეძლებენ, მაგრამ ყოველ შემთხვევაში, მე არ დავაკლებ მცდელობას, რომ ამ პროცესში პოზიტიური როლი შევასრულო და ამ პროცესში გავაკეთო ის, რაც 12-პუნქტიან გეგმაშია მოთხოვნილი“, – განაცხადა იოსელიანმა.