დიდი ბრიტანეთის პრემიერ-მინისტრმა ბორის ჯონსონმა დაადასტურა, რომ სხვა ოფიციალური პირების გარეშე, შეხვედრები ჰქონდა რუს ოლიგარქთან, ალექსანდრ ლებედევთან, რომელიც წარსულში უშიშროების სახელმწიფო კომიტეტში (კგბ) მუშაობდა. ამის შესახებ BBC იუწყება.

როგორც გამოცემა იუწყება, პრემიერს ეს შეკითხვა პარლამენტში დაუსვეს, სადაც ის გუშინ კანონმდებლების შეკითხვებს პასუხობდა.

„მე მას სულ რამდენიმეჯერ შევხვდი“, – განაცხადა ჯონსონმა კანონმდებლების კითხვაზე, შეხვდა თუ არა იტალიაში მაშინ, როდესაც 2018 წელს ის საგარეო საქმეთა მინისტრის პოსტს იკავებდა, ჯონსონმა ასევე აღნიშნა, რომ ლებედევს, ლონდონის მერობის პერიოდშიც შეხვდა.

როგორც BBC წერს, სწორედ ჯონსონის დახმარებით, ლებედევის ვაჟს ევგენის მიენიჭა პერის წოდება და გახდა თემთა პალატის წევრი.

ბორის ჯონსონი მწვავე პოლიტიკურ კრიზისს განიცდის. მისი კეთილსინდისიერება ეჭვქვეშ დააყენეს ოპოზიციური ლეიბორისტული პარტიის წარმომადგენლებმა და ჯონსონის თანაპარტიელმა კონსერვატორებმაც. 5 ივლისს თანამდებობები დატოვეს დიდი ბრიტანეთის ფინანსთა და ჯანდაცვის მინისტრებმა. მათ გადადგომას მოჰყვა ბრიტანეთის მთავრობაში მომუშავე სულ მცირე 32 მოხელის მიერ თანამდებობის დატოვება.