ბორის ჯონსონი კონსერვატიული პარტიის თავმჯდომარის პოსტს დღეს დატოვებს, თუმცა პრემიერ-მინისტრის მივალეობას შემოდგომამდე შეასრულებს. ამის შესახებ BBC-ის პოლიტიკური რედაქტორი კრის მეისონი იუწყება.

პარტიის ლიდერობისთვს ბროლა  ზაფხულში დაიწყება და ახალი პრემიერ-მინისტრი მუშაობას ოქტომბრიდან შეუდება.

როგორც პრემიერ-მინისტრის კანცელარიის პრესსპიკერმა განაცხადა, დღეს ბორის ჯონსონი ქვეყნის მოსახლეობას მიმართავს.

ბორის ჯონსონი მწვავე პოლიტიკურ კრიზისს განიცდის. მისი კეთილსინდისიერება ეჭვქვეშ დააყენეს ოპოზიციური ლეიბორისტული პარტიის წარმომადგენლებმა და ჯონსონის თანაპარტიელმა კონსერვატორებმაც. 5 ივლისს თანამდებობები დატოვეს დიდი ბრიტანეთის ფინანსთა და ჯანდაცვის მინისტრებმა. მათ გადადგომას მოჰყვა ბრიტანეთის მთავრობაში მომუშავე სულ მცირე 32 მოხელის მიერ თანამდებობის დატოვება.