"ქართული ოცნების უტიფარი განცხადებები და მათი სავაჭრო შემოთავაზებები ფაქტობრივად ჩვენთვის ამოცანას არ ცვლის. მათთან რაიმე მოლაპარაკებაზე წასვლა არის წარმოუდგენელი რამ", -ასე აფასებს "ევროპული საქართველოს" წევრი, ლაშა დამენია ირაკლი კობახიძის გამოსვლას.

მისი თქმით, მთავარი გზავნილი რაც მივიღეთ ევროკავშირიდან, არის ის, რომ საქართველო ბიძინა ივანიშვილითან და მის რეჟიმთან ერთად ევროპის ნაწილი ვერ გახდება.

"ჩვენი ამოცანა კვლავ შეუცვლელი რჩება, რაც შეიძლება მალე მოვაშოროთ ივანიშვილი და ქართული ოცნება ხელისუფლებას, რათა საქართველოს კვლავ მიეცეს გზა ევროპულ ოჯახში დასაბრუნებლად", - განაცხადა ლაშა დამენიამ.

„ქართული ოცნების“ თავმჯდომარე ირაკლი კობახიძემ განაცხადა, რომ თუ თუ საქართველო ევროკავშირის კანდიდატის სტატუსს მიიღებს , 2024 წლის და მომდევნო არჩევნები სრულად პროპორციული სისტემით და 2%-იანი ბარიერით ჩატარდება.