იაპონიის ყოფილი პრემიერ-მინისტრი შინძო აბე, რომელსაც ცოტა ხნის წინ, ცეცხლსასროლი იარაღით თავს დაესხნენ, გარდაიცვალა. იტყობინება იაპონიის საზოგადოებრივი მაუწყებელი NHK.

შინძო აბეს თავს იაპონიის ქალაქ ნარაში დაესხნენ. უცნობმა კაცმა აბეს ცეცხლსასროლი იარაღიდან ზურგიდან ორჯერ მაშინ ესროლა, როდესაც ის, საარჩევნო კამპანიის ფარგლებში, სიტყვით გამოდიოდა.

თავადმსხმელი დაახლოებით 40 წლისაა, ის დაკავებულია. დაკავებისას კაცს წინააღმდეგობა არ გაუწევია. მოგვიანებით, იაპონურ მედიაში თავდამსხმელის ვინაობა გამჟღავნდა.

იაპონური მედია წერს, რომ 41 წლის თავდამსხმელი ტეცუია იამაგამი იაპონიის საზღვაო თავდაცვის ძალებში სამი წლის განმავლობაში მსახურობდა.

67 წლის შინძო აბე პრემიერის პოსტიდან 2020 წელს გადადგა, მაგრამ იაპონის მმართველ ლიბერალ-დემოკრატიულ პარტიაში გავლენიან ფიგურას წარმოადგენდა.