დონეცკის ოლქის ქალაქ ჩასივ იარში, რომელიც ბახმუტთან ახლოს მდებარეობს, რუსეთის სარაკეტო დარტმების შედეგად მსხვერპლთა რაოდენობა 15-მდე გაიზარდა.

ინფორმაციას სოციალურ ქსელში უკრაინის საგანგებო სიტუაციათა სამსახურის დონეცკის ოლქის პრესსამსახური ავრცელებს.

სამსახურის ინფორმაციით, მაშველებმა ნანგრეებში 15 დაღუპულის ცხედარი იპოვეს, გადაარჩინეს ხუთი ადამიანი.

მაშველების ინფორმაციით, კონტაქტი დაამყარეს ნანგრევების ქვეშ აღმოჩენილ სამ ადამიანთან და მათ გადარენას  ცდილობენ.

ჩასივ იარში სარაკეტო თავდასხმა რუსებმა გუშინ, 9 ივლისს საღამოს საათებში განახორციელეს. ერთ-ერთი რაკეტა ხუთსართულიან საცხოვრებელ სახლს მოხვდა. დილით ვრცელდებოდა ინფორმაცია, რომ დარტყმის შედეგად 10 ადამიანი დაიღუპა და ხუთი დაშავდა, ხოლო ნანგრევებში 30-ზე მეტი პირი იყო მოყოლილი, მათ შორის ერთი მცირეწლოვანი..