ბრიტანეთის დაზვერვის შეფასებით, რუსეთის ძალების უახლოესი სამიზნე სევერსკი და ბახმუტი იქნება. ამის შესახებ ნათქვამია ომის შესახებ დაზვრევის ახალ მიმოხილვაში.

რუსული მხარე ამტკიცებს, რომ რუსული ძალები სვერსკის შემოგარენს მიადგნენ, თუმცა ბრიტანეთის დაზვერვაში აღნიშნავენ, რომ ეს არ დასტურდება, მაგრამ ცნობილია, რომ რუსეთის არმია ნელ-ნელა წინ მიიწევს დასავლეთის მიმართულებთ და აგრძელებს დაბომბვასა და სევერსკის მიმართულებით შეტევით მოქმედებებს.

იმ შემთხვევაში, თუ ოკუპანტები სევერსკზე კონტროლს დაამყარებენ, მათი შემდეგი სამიზნე ბახმუტი იქნება.

მიმოხილვაში ასევე აღნიშნულია კუნულ ზმეინზე არსებული მდგომარეობა.

„სტრატეგიული მნიშვნელობის კუნძულის დატოვების შემდეგ 30 ივნისს რუსეთი ცდილობდა უარყოფას, რომ უკრაინა მას {კუნძულს} იყენებდა, თუმცა 13 ივლისს რუსული სუ-27-ის ავიადარტყმებმა კუნძულზე მარცხი განიცადა.

ეს კი შეესაბამება ტენდენციებს, რომ რუსეთის საჰაერო ძალებს არ შეუძლიათ წარმატებით განახორციელონ ტაქტიკური ბრძოლები“, - აღნიშნულია მიმოხილვაში.