უკრაინის თავდაცვის მინისტრ ოლექსეი რეზნიკოვის თქმით, უკრაინის შეიარაღებულმა ძალებმა ყველაზე დიდი დანაკარგი რუს ოკუპანტებთან ბრძოლაში მაისში განიცადა, როდესაც ყოველდღიურად 100-მდე სამხედრო იღუპებოდა.

ამის შესახებ რეზნიკოვმა BBC-სთან ინტერვიუში განაცხადა.

„ყველაზე დიდი დანაკარგი მაისში იყო. მიხაილო პოდოლიაკი და პრეზიდენტი ამას გულისხმობდნენ, როდესაც ივნისში საუბრობდნენ {ამ საკითხზე}, - თქვა მან.

რეზნიკოვის თქმით, ამ პერიოდში დღეში 100-მდე ჯარისკაცი იღუპებოდა, 300-400 იჭრებოდა.

თავდაცვის მინისტრმა აღნიშნა, რომ იმ დროს ოკუპანტების უპირატესობა დიდი იყო, განსაკუთრებით დონეცკის მიმართულებით - დამპრობლები საათში ათასამდე საარტილერიო ჭურვს იყენებდნენ. ამასთან, უკრაინის შეიარაღებულ ძალებს ამ რაოდენობის ჭურვები არ ჰქონდა.

მაისის დასაწყისში პრეზიდენტი ვოლოდიმირ ზელენსკი აცხადებდა, რომ რუს ოკუპანტებთან ბრძოლაში ქვეყნის აღმოსავლეთით, ყველაზე რთულ მიმართულებაზე დღეში, სავარაუდოდ, 50-დან 100-მდე უკრაინელი სამხედრო იღუპებოდა.

ივნისის დასაწყისში პრეზიდენტის ოფისის ხელმძღვანელის მრჩეველმა მიხაილო პოდოლიაკმა განაცხადა, რომ უკრაინა ყოველდღიურად 100-დან 200-მდე სამხედროს კარგავდა. ~

უკრაინის შეიარაღებული ძალების გენშტაბის ცნობით, სრულმასშტაბიანი ომის დაწყებიდან, რუსეთის ძალებმა პირადი შემადგენლობის 38 ათასი სამხედრო დაკარგა.