რუსეთმა დნიპროზე სარაკეტო იერიში მიიტანა - არის მსხვერპლი
რუსეთის ძალებმა სარაკეტო იერიში მიიტანეს ქალაქ დნიპროზე, რომლის შედეგად დაიღუპა სამი და დაშავდა 15 ადამიანი. ინფორმაციას უკრაინული მედია დნიპროპეტროვსკის სამხარეო სამხედრო ადმინისტრაციის ხელმძღვანელ ვალენტინ რეზნიჩენკოზე დაყრდნობით ავრცელებს.
„დნიპროს დაარტყეს. რაკეტები სამრეწველო საწარმოსა და მის მიმდებარედ ხალხმრავალ ქუჩას მოხვდა. რუსულმა რაკეტამ სავარაუდოდ, 3 ადამიანის სიცოცხლე შეიწირა, დაშავდა კიდევ 15“, - თქვა რეზნიჩენკომ.
