თბილისის სააპელაციო სასამართლოში ნიკა გვარამიას კახაბერ დამენიასა და ზურაბ იაშვილის სასამართლო პროცესი საქმის განხილვა დაიწყო.

დღეს პირველი სხდომაა, სადაც მეორე ინსტანცია თბილისის საქალაქო სასამართლოს მოსამართლის, ლაშა ჩხიკვაძის მიერ გამოტანილი გამამტყუნებელი განაჩენის გადახედვას იწყებს.

სხდომას ესწრება ჩეხეთის ელჩი საქართველოში.  

თბილისის საქალაქო სასამართლომ გვარამიას წელი და 6 თვე მიუსაჯეს.

პირველი ინსტანციის სასამართლომ კახაბერ დამენია დამნაშავედ, ხოლო ზურაბ იაშვილი უდანაშაულოდ ცნო.

თბილისის საქალაქო სასამართლოს გადაწყვეტილება გასაჩივრებული აქვს როგორც დაცვის მხარეს, ისე პროკურატურას.

პროკურატურა მთავარი არხის დამფუძნებელს ნიკა გვარამიას ჯერ კიდევ რუსთავი 2-ის დირექტორობის დროს, ტელეკომპანიის კუთვნილი ქონების დიდი ოდენობით გაფლანგვას, კომერციულ მოსყიდვას, ყალბი ოფიციალური დოკუმენტის დამზადებასა და გამოყენებას, ასევე უკანონო შემოსავლის ლეგალიზაციას ედავება.

ნიკა გვარამია სასამართლომ ნაწილობრივ დამნაშავედ ცნო. სასამართლომ დამნაშავედ ცნო გვარამია სამსახურებრივი უფლებამოსილების ბოროტად გამოყენებაში, კერძოდ პორშეს ეპიზოდში და სასჯელის სახით განესაზღვრა 3 წლითა და 6 თვით თავისუფლების აღკვეთა. თითქმის 7 მილიონი ლარის ზიანის მიყენების საქმეზე კი სასამართლომ მუხლი გადააკვალიფიცირა. გაფლანგვის ნაცვლად გვარამია და დამენია უფლებამოსილების ბოროტად გამოყენებაში ცნეს დამნაშავედ. დამენიას 50 ათასი ლარის ოდენობის ჯარიმა დაეკისრა.

ზურაბ იაშვილი და ნიკა გვარამია კომერციულ მოსყიდვისა და ყალბი ოფიციალური დოკუმენტის დამზადების საქმეზე უდანაშაულოდ ცნეს.