კენჭისყრის შედეგად, დიდი ბრიტანეთის პრემიერ-მინისტრის პოსტზე ორი კანდიდატი დარჩა, ფინანსთა ყოფილი მინისტრი რიში სუნაკი და საგარეო საქმეთა მინისტრი ლიზ ტრასი. 

დღეს გამართული კონსერვატიული პარტიის ლიდერის არჩევნების ბოლო რაუნდში მიღებული შედეგების თანახმად, ბრძოლას გამოეთიშა ყოფილი თავდაცვის მდივანი პენი მორდონთ, რომელმაც 105 ხმა მიიღო.

რიში სუნაკი, ყოფილი ხაზინის მდივანი - 137 ხმა.

ლიზ ტრასი, საგარეო საკითხთა მდივანი - 113 ხმა.

ახლა უკვე, ლიზ ტრასსა და რიში სუნაკს შორის საბოლოო არჩევანს კონსერვატიული პარტიის წევრები გააკეთებენ.

გამარჯვებული გამოცხადდება 5 სექტემბერს, საფოსტო კენჭისყრის შემდეგ, რომელშიც პარტიის 160,000 წევრი მიიღებს.

შეგახსენებთ, 7 ივლისს ბრიტანეთის პრემიერ-მინისტრმა ბორის ჯონსონმა კონსერვატიული პარტიის ლიდერის თანამდებობა დატოვა. ჯონსონი პრემიერ-მინისტრის მოვალეობის შესრულებას განაგრძობს, ვიდრე კონსერვატიული პარტია ახალ ლიდერს არ აირჩევს.