დღეისათვის არც ერთი ზალპური ცეცხლის რეაქტიული სისტემა HIMARS-ი, რომელიც აშშ-მა უკრაინას მიაწოდა, რუს სამხედროებს არ გაუნადგურებიათ, - ამის შესახებ შეერთებული შტატების შეიარაღებული ძალების შტაბების უფროსთა კომიტეტის თავმჯდომარე, გენერალმა მარკ მილიმ განაცხადა,

 „დღეისათვის ეს სისტემები რუსების მიერ განადგურებული არ არის და მე ყოველთვის ვაკაკუნებ ხეზე, როდესაც ამის შესახებ ვლაპარაკობ. ისინი {უკრაინელი სამხედროები} ძალიან ეფექტიანად იყენებენ მათ, მაღალი სიზუსტის იარაღს“, - განაცხადა მილიმ.

მანამდე, რუსმა სამხედროებმა არაერთხელ განაცხადეს, რომ გაანადგურეს უკრაინისთვის დასავლეთის მიერ გაგზავნილი შეიარაღება, მათ შორის ამერიკული HIMARS-ბიც.

ამ დროისათვის, უკრაინაში უკვე გაგზავნილია 12 HIMARS-ი. აშშ-მა და მისმა მოკავშირეებმა აიღეს ვალდებულება უკრაინას კიდევ სულ მცირე რვა ზალპური ცეცხლის რეაქტიულ სისტემა გადასცეს.