უკრაინელ ჟურნალისტს, დმიტრი გორდონს რუსეთში პატიმრობა დაუსწრებლად შეუფარდეს. იუწყება რუსული მედია.

„მოსკოვის ბასმანის რაიონულმა სასამართლომ დააკმაყოფილა გამოძიების შუამდგომლობა დმიტრი გორდონის მიმართ აღკვეთის ღონისძიების სახით პატიმრობის შესახებ, 2 თვის ვადით, ათვლა დაიწყება რუსეთის ტერიტორიაზე ექსტრადირების მომენტიდან, ან რუსეთის ფედერაციის ტერიტორიაზე მისი დაკავების მომენტიდან“, - განაცხადა სასამართლომ.

რუსეთის საგამოძიებო კომიტეტმა გორდონის წინააღმდეგ საქმე 2022 წლის მარტში აღძრა ომის გაჩაღებისკენ მოწოდებების, ეროვნული ნიშნით სიძულვილის გაღვივებისა და რუსული არმიის შესახებ "ყალბი ცნობების" გავრცელების ბრალდებებით.