ბრიტანეთის დაზვერვის ინფორმაციით, დონბასსა და ხერსონში ბრძოლები რუსეთის არმიისთვის უშედეგოა.

უწყების ცნობით, ამ დროისათვის რუსეთის სამხედრო სარდლობა დილემის წინაშე იმყოფებიან: ან წავიდნენ აღმოსავლეთით შეტევაზე ან გააძლიერონ დაცვა უკრაინის სამხრეთში.

ამასთან, ბრიტანეთის დაზვერვა აღნიშნავს, რომ ოკუპანტებს პრობლემა აქვთ სამხედრო ტექნიკასთან დაკავშირებით.

აღნიშნულია, რომ 2022 წლის 18 ივლისს დაზვერვის მიერ იდენტიფიცირებულია სამხედრო ტექნიკის შემკეთებელი ქარხანა რუსეთის ბელგოროდის ოლქში, უკრაინის საზღვრიდან 10 კმ-ში.

ქარხანაში დაფიქსირებულია სულ მცირე 300 დაზიანებული მანქანა, მათ შორის ძირითადად საბრძოლო ტანკები, ჯავშანტრანსპორტიორები და სატვირთო მანქანები.

ამასთან, ომის შემსწავლელი ინსტიტუტის ანალიტიკოსების ინფორმაციით, უკრაინელი დამცველებმა ბოლო კვირის განმავლობაში გაანადგურეს ხერსონისკენ მიმავალი სამივე ხიდი, რომლებსაც აკონტრლებენ ოკუპანტები.

ამის გარდა, 24 ივლისს, ღამით, უკრაინელმა პარტიზანებმა ნოვობოგდანოვკასთან ააფეთქეს სარგკინიგზო გზა ოკუპირებული მელიტიპოლიდან ჩრდილოეთით 30 კმ-ში.

გუშინ, 24 ივლისს, მტერმა ხერსონის ოლქში სცადა შეზღუდული სახმელეთო შეტევების განხორციელება. ასევე რუსეთის შეიარღებული ძალები აგრძელებენ სამხრეთის მიმართულებით  ფრონტის ხაზის გასწვრივ დაბომბვას.