უკრაინის შეიარაღებულმა ძალებმა ხერსონის ოლქის სოფელი ანდრეევკა გაათავისუფლეს
უკრაინის შეიარაღებულმა ძალებმა ხერსონის ოლქის სოფელი ანდრეევკა რუსი ოკუპანტებისგან გაათავისუფლეს. ინფორმაციას „სამხრეთის“ ოპერატიული სარდლობა ავრცელებს.
უკრაინის შეიარაღებული ძალების ავიაციამ მტერს 4 დარტყმა მიაყენა მოიერიშე თვითმფრინავების, ბომბდამშენებისა და ვერტმფრენების გამოყენებით.
განადგურებულია ოკუპანტების 4 საყრდენი პუნქტი ანდრეევკის, ბელოგორკისა და ბლაგოდატნოეს რაიონებში.
ამგვარად, ანდრეევკა საბოლოოდ გათავისუფლებულია რუსეთის საოკუპაციო ძალებისგან. „ისევე, როგორც ლოზოვოეში, სადაც ჩვენმა ჯარებმა რამდენიმე დღის წინ გაიმყარეს თავიანთი პოზიციები!“ - ნათქვამია ინფორმაციაში.
