ლიეტუვამ რუსეთის პატრიარქ კირილს, პუტინის მიერ უკრაინაში გაჩაღებული ომის მხარდაჭერის გამო, ქვეყანაში შესვლა აუკრძალა. ინფორმაციას უკრაინული მედია LRT-ზე დაყრდნობით ავრცელებს.

ლიეტუვის შინაგან საქმეთა სამინისტროს ცნობით, რუსეთის პატრიარქი არასასურველ პირთა სიაში იმის გამო მოხვდა რომ ის შეგნებულად უარყოფს უკრაინის ტერიტორიულ მთლიანობასა და სუვერენიტეტს, ამართლებს და მხარს უჭერს რუსეთის აგრესიულ ქმედებებს და უხეშად არღვევს საერთაშორისო სამართლის ნორმებსა და პრინციპებს.

 „პატრიარქი კირილი ვლადიმირ პუტინის უახლოესი თანამოაზრეა და წარმოადგენს უკრაინის წინააღმდეგ ომის ერთ-ერთ ყველაზე აქტიურ მხარდამჭერს. ის არაერთ საჯარო გამოსვლაში, დადებითად აფასებს რუსეთის მიმდინარე აგრესიას.

პატრიარქი კირილი რუსეთი პროპაგანდისტულ მედიაში უკრაინელებს ღიად უწოდებს „ნაცისტური რეჟიმის მონაწილეებს“, რომლმებიც უნდა გადაასახლონ ან გაანდგურონ. 2022 წლის 27 თებერვალს პატრიარქმა კირილმა დალოცა უკრაინის წინააღმდეგ ომში რუსი სამხედროები და კანონიკურად გაამართლა რუსეთის მიერ გაჩაღებული ომი“, - აღნიშნულია უწყების განცხადებაში.

რუსეთის პატრიარქი ლიეტუვაში ჩასვლას 2027 წლის 23 ივნისამდე ვერ შეძლებს.