რუსეთის უზენაესმა სასამართლომ უკრაინული პოლკი "აზოვი" ტერორისტულ ორგანიზაციად ცნო.

ამ გადაწყვეტილების თანახმად, "აზოვის" საქმიანობა რუსეთის მთელ ტერიტორიაზე აიკრძალა.

რუსეთის გენერალურმა პროკურატურამ სარჩელი "აზოვის" ტერორისტულ ორგანიზაციად გამოცხადებაზე ჯერ კიდევ მაისში წარადგინა.

"აზოვი" ჩამოყალიბდა, როგორც მოხალისეთა ბატალიონი ჩამოყალიბდა დონბასში კონფლიქტის დროს 2014 წელს. შემდგომში ის რეფორმირებულ იქნა პოლკის სახით და გახდა უკრაინის რეგულარული არმიის ნაწილი.

"აზოვის" პოლკს რუსული პროპაგანდისტული ნარატივი წარმოაჩენს, როგორც "უკრაინული ნეონაციზმის სიმბოლოს".

"აზოვის" პოლკის რამდენიმე ასეული მებრძოლი ჩაბარდა რუსულ საოკუპაციო ძალებს მაისში, "აზოვსტალის" ქარხნის რამდენიმეკვირიანი დაცვის შემდეგ.

ივლისის ბოლოს "აზოვის" 50 მებრძოლი, რომლებიც ტყვეობაში იმყოფებოდნენ, დაიღუპნენ ელენოვკას კოლონიაზე რუსეთის სარაკეტო დარტყმის შედეგად.