გორში, დევნილთა დასახლებაში ხანძარს 80 წლამდე კაცი ემსხვერპლა
გორში, დევნილთა დასახლებაში გაჩენილ ხანძარს 80 წლამდე კაცი ემსხვერპლა.
გავრცელებული ინფორმაციით, შემთხვევის დროს, სახლში ოჯახის კიდევ ერთი წევრი, 40 წლამდე ასაკის კაცი იმყოფებოდა, რომელმაც ხანძარს უვნებლად დააღწია თავი.
გარდაცვლილი ცხინვალის რეგიონიდან, სოფელ თამრაშენიდანაა.
მომხდარზე გამოძიება საქართველოს სისხლის სამართლის კოდექსის 188-ე მუხლის მე-3 ნაწილით მიმდინარეობს, რაც გულისხმობს სხვისი ნივთის დაზიანებას ან განადგურებას გაუფრთხილებლობით, რამაც ადამიანის სიცოცხლის მოსპობა გამოიწვია.
