სომხეთის ზოგიერთ სკოლაში ქართული ენის სწავლება დაიწყება
მიმდინარე წლიდან ზოგიერთ სკოლაში ქართულ ენაზე სწავლების დანერგვის პროცესის დასაწყებად მზად ვართ, - ამის შესახებ დღეს, 18 აგვისტოს სომხურ მედიასთან საუბარში ქვეყნის განათლებისა და მეცნიერების მინისტრმა ვაჰრამ დუმანიანმა განაცხადა.
მინისტრის თქმით, სკოლებში ქართული ენა არჩევითი იქნება და მოსწავლეებს მისი სწავლა ნებაყოფლობით შეეძლებათ.
ამასთან, მინისტრმა დუმანიანმა აღნიშნა, რომ "საუბარი არ არის მხოლოდ საქართველოსთან მოსაზღვრე რეგიონების სკოლებზე".
სომხური მედიის ცნობით, ქართული ენის სწავლებასთან დაკავშირებული სხვა დეტალები მოგვიანებით გახდება ცნობილი.
