ხარკოვის ოლქში უკრაინელმა სამხედროებმა რუსი ოკუპანტებისგან 30-ზე მეტი დასახლებული პუნქტი გაათავისუფლეს. ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა.

ზელენსკის თქმით, უკრაინის არმია, დაზვერვა და უსაფრთხოების სამსახური წარმატებით განაგრძობენ აქტიურ მოქმედებებს რამდენიმე ოპერატიული მიმართულებით.

„ამ დროისათვის შეიარაღებულმა ძალებმა გაათავისუფლეს და კონტროლი დაამყარეს ხარკოვის ოლქის 30-ზე მეტ დასახლებულ პუნქტზე.

რეგიონის სოფლების ნაწილში მიმდინარეობს ტერიტორიების შემოწმების ღონისძიებები, თანდათან კონტროლს ვამყარებთ ახალ დასახლებულ პუნქტებზე - ყველგან ვაბრუნებთ უკრაინულ დროშებს და ჩვენი ხალხის დაცვას.

არ გვავიწყდება სხვა მიმართულებებიც. სასტიკი ბრძოლები გრძელდება დონბასში და ჩვენი ქვეყნის სამხრეთით. ვთხოვ უკრაინელებს გათავისუფლებული ტერიტორიებიდან, აცნობონ ჩვენი ძალების წარმომადგენლებს ნებისმიერი ინფორმაცია უკრაინის მიწაზე ოკუპანტების მიერ ჩადენილი დანაშაულების შესახებ“, - განაცხადა ზელენსკიმ.

უკრაინის შეიარაღებულმა ძალებმა რუსეთის მიერ ოკუპირებული ტერიტორიების გასათავისუფლებლად კონტრშეტევაზე გადავიდნენ. უკრაინის თავდაცვის ძალებმა ხარკოვის მიმართულებით უკვე დაიბრუნეს ტერიტორიების 1000 კვ.კმ.

8 სექტემბერს ზელენსკიმ ოფიციალურად დაადასტურა ინფორმაცია ქალაქ ბალაკლეას გათავისუფლების შესახებ.