რუსი ოკუპანტები იზიუმიდან გაიქცნენ და ტექნიკა მიატოვეს - უკრაინული მედია
რუსი ოკუპანტები იზიუმიდან გაიქცნენ და თავიანთი ტექნიკა მიატოვეს. ამის შესახებ მებრძოლებზე დაყრდნობით ბატალიონ „თავისუფლების“ მეთაური პეტრო კუზიკი წერს. იუწყება უკრაინული მედია.
„რაშისტები გაიქცნენ იზიუმიდან და ტექნიკა მიატოვეს. ცენტრში არც ერთი ორკი აღარ არის! მხოლოდ ძლიერი აფეთქება ისმოდა ხიდის მხრიდან,“- წერს ის.
ინფორმაცია ოფიციალურად ჯერ არ დადასტურებულა.
ამასთან, ვრცელდება ინფორმაცია, რომ მოქალაქეები, რომლებიც დათანხმდნენ თანამშრომლობას რუს ოკუპანტებთან ხარკოვის ოლქის ქალაქებში - კუპიანსკში, ბალაკლეასა და იზიუმში, მასობრივად გარბიან რუსეთის ფედერაციაში.
