სომალიში ორმაგ ტერაქტს 30 ადამიანი ემსხვერპლა
სომალის დედაქალაქ მოგადიშოში ორმაგი ტერაქტი მოხდა. პოლიცია ათობით დაღუპულის შესახებ იტყობინება. Reuters-ის ინფორმაციით, დანაღმული ავტომობილი, რომელშივც თვითმკვლელები ისხდნენ, ხალხმრავალ გზაჯვარედინზე აფეთქდა, თითქმის იმავე დროს ახლომდებარე რესტორანშიო ამოქმედდა მეორე ასაფეთქებელი მოწყობილობა.
პოლიციელთა განცხადებით, რესტორანში თავი თვითმკვლელმა -ტერორისტმა აიფეთქა. ამ დროისათვის ცნობილია 30 დაღუპულისა და 40 დაჭრილის შესახებ.
ტერაქტებზე პასუხისხმგებლობა ისლამისტურმა დაჯგუფება ”აშ-შაბაბმა” აიღო. როგორც მოგვიანებით გაირკვა, ტერორისტები პოლიციის განყოფილების აფეთქებას გეგმავდნენ.
