რუსეთის მიერ ანექსირებულ ყირიმში რუსული სამხედრო თვითმფრინავი ჩამოვარდა. იტყობინება The Moscow Times-ი Baza-ზე დაყრდნობით.

წინასწარი მონაცემებით, საუბარია გამანადგურებელ Су-34-ზე.

ავიაკატასტროფა რაზნოდელნენსკის და კრასნოპერეკოპსკის რაიონების საზღვარზე მოხდა.

თვითფმფრინავი დილის 6 საათზე მინდორში ჩამოვარდა. პილოტებმა მოასწრეს კატაპულტირებმა, ისინი ადგილიდან სამხედროება გაიყვანეს.

ავარიის მიზეზი ჯერჯერობით უცნობია.

შეგახსენებთ, ივნისში, ორი რუსული Су-25 (Грач), რომელიც შექმნილია ბრძოლის ველზე სახმელეთო ჯარების მხარდასაჭერად, ჩამოვარდა უკრაინის საზღვართან. ერთ-ერთი ბელგოროდის ოლქში ჩამოვარდა, მეორე - როსტოვის ოლქში. პირველ შემთხვევაში პილოტმა მოასწრო კატაპულტირება, მეორე შემთხვევაში - გარდაიცვალა.

რუსეთის თავდაცვის სამინისტრომ ორივე ავიაკატასტროფა "ტექნიკურ გაუმართაობას" მიაწერა.

ასევე, 24 ივნისს, სასწავლოს ფრენის დროს, რიაზანში სატვირთო თვითმფრინავი Ил-76 ჩამოვარდა. მიზეზი ძრავის გაუმართაობა გახდა. დაიღუპა ოთხი და დაშავდა ხუთი ადამიანი.