ხარკოვის სოლქო სამხედრო ადმინისტრაციის ხელმძღვანელი ოლეგ სინეგუბოვი აცხადებს, რომ ფრონტის გარკვეულ მონაკვეთებზე უკრაინელი სამხედროები უკრაინა-რუსეთის სახელმწიფო საზღვართან გავიდნენ.

„ჩვენი სამხედროები აგრძელებენ რუსი ოკუპანტებისგან ხარკოვის ოლქის გათავისუფლების ოპერაციას. მტერი სასწრაფოდ ტოვებს თავის პოზიციებს და გარბის მანამდე ოკუპირებული ტერიტორიების სიღრმეში ან რუსეთის ფედერაციის ტერიტორიაზე. გუშინ რუსებმა დატოვეს ბოლშოი ბურლუკისა და დვურეჩნაია კუპიანსკას რაიონების დასახლებული პუნქტები. ფრონტის გარკვეულ მონაკვეთბზე ჩვენი დამცველები გავიდნენ სახელმიწფო საზღვართან“, - ამბობს სინეგუბოვი.

უკრაინის პრეზიდენტის ოფისის ხელმძღვანელის მოადგილე კირილ ტიმოშენკო Telegram-ზე წერს, რომ „მეტრი მეტრზე უკრაინის შეიარაღებული ძალები ათავისუფლებენ ხარკოვის ოლქს. ეს არის ასობით დასახლებული პუნქტი, ათასობით ქუჩა, ათი ათსობით უკრაინელისთვის მშობლიური ადგილები“.

მისივე თქმით, გათავისუფლებულ ტერიტორიებზე მოსახლეობას პირველივე დახმარებას მიაწვდიან - პროდუქტებსა და პირველადი მოხმარების ნივთებს.