უკრაინის დაზვერვის ინფორმაციით, რუსი მაღალჩინოსნები ანექსირებული ყირიმიდან და სამხრეთ უკრაინიდან თავიანთი ოჯახების ევაკუაციისათვის ემზადებიან. დაზვერვის ცნობით, „ეფ ეს ბეს“ წარმომადგენლები ჩუმად ყიდიან თავიანთ საცხოვრებელ სახლებს და ოჯახებს რუსეთის ფედერაციის ტერიტორიაზე გზავნიან.

ამასთან, ოკუპანტებმა ყირიმში აკრძალეს საცოვრებელი სახლების ყიდვა-გაყიდვის შეთანხმების გაფორმება, დააწესეს შეზღუდვები ყირიმის ხიდზე გადაადგილებაზე და ყველანაირად ცდილობენ შეზღუდონ წვდომა უკრაინელი დამცველების კონტრშეტევითი მოქმედებების შესახებ ინფორმაციებისადმი. დაზვერვა აღნიშნავს, რომ ყველა სამხედრო დამნაშავე გამოაშკარავდება და პასუხისგებაში მიეცემა უკრაინის მშვიდობიანი მოსახლეობის წინააღმდეგ ჩადენილი დანაშაულისთვის.