რუსეთის საგარეო საქმეთა სამინისტრო აცხადებს, რომ ყურადღებით აკვირდებოდნენ საქართველოში ჩატარებულ მრავალეროვნულ სწავლებას "ღირსეული პარტნიორი 2022".

სამინისტროს დსთ-ს ქვეყნების მეოთხე დეპარტამენტის დირექტორი დენის გონჩარი სააგენტო „რია“-სთან ამბობს, რომ მოსკოვი საქართველოსა და ნატოს შორის თანამშრომლობის განვითარების ფუნდამენტურ მომენტებს ყველაზე სერიოზულად გაითვალისწინებენ.

"მოსკოვში ყურადღება გაამახვილა იმ ფაქტზე, რომ ორკვირიანი სწავლებების ფარგლებში მუშავდებოდა ბლოკის მძიმე ტექნიკის გადასროლა ევროპიდან საქართველოში, ამჯერად თურქეთიდან სახმელეთო გზით", - თქვა გონჩაროვმა.

მისივე თქმით, მოსკოვი ხედავს საქართველოს ნატოში "ჩათრევის" განგრძობად კურს, "მათ შორის ქვეყნის თანამედროვე სახის შეიარაღებით ჩატანითა და რეგულარული სამხედრო წვრთნების ჩატარებით შეერთებული შტატებისა და ალიანსის ქვეყნების მონაწილეობით, რაც არამხოლოდ რუსეთის ინტერესებისთვის გამოწვევაა, არამედ "სამხრეთ კავკასიაში უსაფრთხოებისა და სტაბილურობის საფრთხეს ქმნის".

"საქართველოს "არსებითი მხარდაჭერის" მომხრეები უნდა აცნობიერებდნენ პასუხისმგებლობას და ხვდებოდნენ, რომ ნატოსთან თანამშრომლობის განვითარების ფუნდამენტური მომენტები ჩვენი მხრიდან ყველაზე სერიოზული სახით იქნება გათვალისწინებული", - აღნიშნა გონჩარმა.

წელს საქართველომ "ღირსეულ პარტნიორს" მეექვსედ უმასპინძლა. სწავლება 9 სექტემბერს დასრულდა.