დღეის მდგომარეობით, ხარკოვის ოლქი თითქმის სრულად გათავისუფლებულია. ამის შესახებ უკრაინის პრეზიდენტი ვოლოდიმირ ზელენსკი Telegram არხზე იუწყება.

„დღეის, მდგომარეობით, ხარკოვის ოლქი თითქმის სრულად გათავისუფლებულია. ეს იყო ჩვენი მებრძოლების უპრეცენდენტო მოქმედება. უკრაინელებმა შეძლეს ის, რაც ბევრს წარმოუდგენლად მიაჩნდა“, - განაცხადა ზელენსკიმ.

ამასთნ, ზელენსკიმ აღნიშნა, რომ რუსეთის არმია ხარკოვის ოლქში ხუთ თვეზე მეტ ხანს იმყოფებოდა.

„და ამ დროის განმავლობაში ოკუპანტები არც კი ცდილობდნენ ხალხისთვის რამე გაეკეთებინათ, მხოლოდ ანადგურებდნენ, ძარცვავდნენ, მიჰქონდათ. დატოვეს დაცარიელებული სოფლები. ზოგიერთ სოფელში არ დარჩენილა არც ერთი გადარჩენილი სახლი. რუსეთს არაფრის მოტანა შეუძლია, გარდა გენოციდისა“, - აღნიშნა ზელენსკიმ.