ქედაში ავტოსაგზაო შემთხვევის შედეგად ორი ადამიანი დაიღუპა
ქედაში ავტოსაგზაო შემთხვევა მსხვერპლით დასრულდა. პირველადი ინფორმაციით, დაღუპულია ორი ადამიანი. ერთმანეთს შეეჯახა ტურისტული მიკროავტობუსი და ტრაილერი.
გავრცელებული ინფორმაციით, ოთხი დაშავებული საავადმყოფოებში გადაიყვანეს.
შემთხვევის ადგილზე მობილიზებულია სასწრაფო-სამედიცინო დახმარების ბრიგადები და საპატრულო პოლიცია.
არსებული ინფორმაციით, დაღუპულები უცხოეთის მოქალაქეები არიან.
