უკრაინის შეიარაღებულმა ძალებმა დონეცკის ოლქში სოფელ იაცკოვკაზე კონტროლი აღადგინეს და ბახმუტის მიმართულებით დაკარგული პოზიციები დაიბრუნეს.

ამის შესახებ უკრაინის შეიარაღებული ძალების გენშტაბის წარმომადგენელმა ოლექსეი გრომოვმა განაცხადა.

 „თავდაცვის ძალების ქვედანაყოფების შეტევითი მოქმედებების მსვლელობისას დავამყარეთ კონტროლი დასახლებულ პუნქტ იაცკოვკაზე.

ჩვენი ჯარები იუმჯობესებენ თავიანთ ტაქტიკურ მდგომარეობას, ერთ-ერთი მექანიზირებული ბრიგადის ქვედანაყოფების თანამედროვე გადაჯგუფების, საბრძოლო მოქმდებების ხარისხიანი ორგანიზების შედეგად შევძელით მანამდე დაკარგული მდგომარეობის დაბრუნება და ბახმუტის სამხრეთით პოზიციების კონტროლის უზურუნველყოფა“, - განაცხადა გრომოვმა.

მისი თქმით, ბახმუტის მიმართულებაზე მდგომარეობა კვლავ რთულია, თუმცა კონტროლირებადი. მტერი განაგრძობს შეტევით მოქმედებებს, რათა განდევნოს უკრაინული დანაყოფები დაკავებული პოზიციებიდან. უკრაინის შეიარაღებული ძალები, მტრის ინტენსიური ცეცხლის მიუხედავად, განაგრძობენ თავდაცვის შეკავებას.