მუსლიმთა კავშირის თავმჯდომარეს დღეს ადიგენში ელოდებიან. ამ დროისთვის ადიგენში უკვე სიმშვიდეა. დაპირისპირება რელიგიურ ნიადაგზე გუშინ მოხდა. სოფელ ადიგენში მუსლიმანებსა და ქრისტიანებს შორის ხელჩართული ჩხუბის მიზეზი რელიგიის საბჭოს რამდენიმე დღის წინ მიღებული გადაწყვეტილება გახდა, რომლის მიხედვითაც მუსლიმებს უფლება მიეცათ ახალი სასაფლაო გაეკეთებინათ. 

ინცინდეტის შედეგად არიან დაშავებულები. დაკავებულების შესახებ ინფორმაცია არ ვრცელდება.

ინცინდეტს გამოეხმაურა მუსლიმთა კავშირის თავმჯდომარე. ტარიელ ნაკაიძე სახელმწიფოს მხრიდან დროულ რეაგირებას ითხოვს და facebook-ით გავრცელებულ განცხადებაში ამბობს, რომ "რაიონის გამგებელის თანხლებმა რამდენიმე ადამიანმა ფიზიკური შეურაცყოფა მიაყენა ადგილობრივი მუსლიმი თემის წარმომადგენლებს. ნაცემია სამი ადამიანი”.

ადგილზე ვითარებას შეისწავლიან ადამიანის უფლებების სწავლებისა და მონიტორინგის ცენტრის წარმომადგენლებიც.