უკრაინის ვიც-პრემიერმა ირინა ვერეშჩუკმა განაცხადა, რომ რუსეთის ტყეობაში 2 500 უკრაინელი რჩება. მისი თქმით, ტყვეობაში იმყოფებიან სამოქალაქო პირებიც.

როგორც ვიცე-პრემიერმა აღნიშნა, ბოლო რამდენიმე გაცვლის დროს რუსებს სამოქალაქო პირები არ დაუბრუნებიათ.

„საუბარია 2,500 ტყვედ ჩავარდნილ უკრაინელზე. ყველაზე უარესი კი ის არის, რომ მათ შორის ბევრი სამოქალაქო პირია. სამოქალაქო პირები უნდა დაბრუნდნენ, გაცვლის გარეშე. მათ შორის ბევრი ქალია“, – განაცხადა ვერეშჩუკმა.

„ტყვეობაში ბევრი ქალია. თუ გავითვალისწინებთ, რომ „აზოვსტალიდან“ 131 ქალი გამოვიდა, წარმოიდგინეთ, რამდენი ქალია კიდევ ტყვეობაში. მხოლოდ რამდენიმე მათგანი დააბრუნეს“, - განაცხადა ვერეშჩუკმა.