დიდი ბრიტანეთის თავდაცვის სამინისტროს დაზვერვის სამსახურის ინფორმაციით, რუსეთმა სამხედრო მობილიზაციის ფარგლებში, უკვე გამოიძახა ათეული ათასი ადამიანი სამხედრო გამოცდილების გარეშე, რომლებიც მინიმალური მომზადების შემდეგ, უკრაინის ფრონტზე გაიგზავნებიან.

უწყების ცნობით, მობილიზებულთა პირველი ჯგუფები ბაზებზე უკვე იმყოფებიან.

როგორც ბრიტანეთის დაზვერვა აღნიშნავს, დასავლეთისგან განსხვავებით, რუსეთში ახალწვეულები პირველ მზადბას თავიანთ ქვედანაყოფებში გადიან და არა საწვრთნელ ცენტრებში. ამასთან, როგორც წესი, რუსული არმიის თითოეული ბრიგადიდან გარნიზონში რჩება ერთი, როდესაც ორი სხვაგან არის განლაგებული, ინსტრუქტორების მიერ ახალწვეულების მოსამზადებლად, თუმცა, რუსეთს მესამე ბატალიონების დიდი ნაწილიც უკრაინაში ჰყავს გადასროლილი.

ამასთნ, ბევრ გაწვეულ პირს იარაღი წლებია თვალით არ უნახავს. 

 „ინსტრუქტორების ნაკლებობითა და სიჩქარით, რომლითაც რუსეთმა დაიწყო მობილიზაცია, ვარაუდის შეაძლებლობას იძლევა, რომ ბევრ ჯარისკაცს ფრონტის ხაზზე მინიმალური მომზადებით გადაისვრიან, რის გამოც მათ დიდი დანაკარგი ექნებათ“, - ნათქვამია უწყების ანგარიშში.