არსებობს გარკვეული პროვოკაციები და ამასაც თვალნათლივ ვხედავთ, მაგრამ როგორ გაუძლებს პარტია პროვოკაციებს, სხვა საკითხია, - ამის შესახებ ოპოზიციონერმა დეპუტატმა ნატო ჩხეიძემ „ნაციონალურ მოძრაობასთან“ დაკავშირებით განაცხადა.

„პარტიის წევრები როგორც ამბობენ, აზრთა სხვადასხვაობაა იდეურად, მაგრამ ეს ყოველთვის იყო აქამდე და ამის შემდეგაც იქნება. არსებობს გარკვეული პროვოკაციები და ამასაც თვალნათლივ ვხედავთ, მაგრამ როგორ გაუძლებს პარტია პროვოკაციებს, სხვა საკითხია და ამას ყველა ერთად დავინახავთ. პროვოკაციების ავტორი ყოველთვის იქნება ის, ვისაც სჭირდება, რომ იყოს არეულობა“, – განაცხადა ნატო ჩხეიძემ.

მისი თქმით, გავლენების გადანაწილება ხდება, ყველა პარტიაშია. ამაგრამ იმ პირობებში, როდესაც „ნაციონალური მოძრაობის“ ლიდერი და დამფუძნებელი ციხეშია, რაიმე სერიოზული გადანაწილების პერსპექტივა ვერ იქნება.

„ის, რომ გავლენების გადანაწილება ხდება, ალბათ ყველა პარტიაშია. არა ტოპმენეჯმენტში, არამედ უფრო ქვევით, მაგრამ იმ პირობებში, როდესაც „ნაციონალური მოძრაობის“ ლიდერი და დამფუძნებელი ციხეშია, ვერ გეტყვით, რომ რაიმე სერიოზული გადანაწილების პერსპექტივა იყოს. რა კავშირი აქვს „ნაციონალურ მოძრაობას“ და კეზერაშვილს, ნამდვილად არ ვიცი. კეზერაშვილს ვისთან რა კავშირი აქვს, ამის შესახებ არის მოარული ხმები და უფრო ზუსტად ვერაფერს მოგახსენებთ“, – განაცხადა ნატო ჩხეიძემ.

მან არ იცის, დაიშლება თუ არა "ნაციონალური მოძრაობა", მაგრამ ერთი რამ კი ვიცით, რომ „აქლემი ისე ვერ დაეცემა, ვირის ტვირთი ვერ ასწიოს.“, – განაცხადა ნატო ჩხეიძემ.