ევროკავშირი ამზადებს რეკომენდაციებს რუსეთიდან იმ პირების მისაღებად, ვინც სამხედრო მობილიზაციას გაურბის. ინფორმაციას Deutsche Welle ავრცელებს. მედიის ცნობით, ამის შესახებ ევროკომისიის ოფიციალურმა წარმომადგენელმა, ერიკ მამერმა განაცხადა.

მამერის თქმით, ევროკომისია ევროკავშირის ქვეყნებისთვის გეგმავს, შეიმუშაოს რეკომენდაციები, განსაზღვრული კრიტერიუმებით, რუსეთის იმ მოქალაქეების მისაღებად, რომლებიც გაურბიან სამხედრო მობილიზაციას და მისცენ მათ თავშესაფარი ევროკავშირის ტერიტორიაზე.

მამერმა აღნიშნა, რომ თავშესაფრის მისაღებად საკმარისი არ არის მხოლოდ საზღვარზე მისვლა, არამედ აუცილებელი იქნება თავშესაფრის ოფიციალური განაცხადის წარდგენა. მისი თქმით, ევროკავშირის წევრი ქვეყნები მოვალენი არიან, განიხილონ ეს განაცხადები.

ევროკავშირის ქვეყნები განსხვავებულად რეაგირებდნენ თავშესაფრის მიცემის პერსპექტივაზე რუსებისთვის, რომლებსაც არ სურთ უკრაინაში ბრძოლა და ამ მიზეზით ტოვებენ რუსეთის ფედერაციას.